عالقهوة في ناس غريبة و في ناس تايهيين , في ناس غلابة و ناس مهمومين
كتير منهم مش لاقيين , و اللي من قلة حيليتهم مجبورين
عالقهوة في واحد بيغسل همومه , وواحد يا عيني بيقضي اليوم بطوله
دا هناك في عالم كبير , مليان قصص كتير
تلاقي شعرا و فنانين , و ناس كبيرة و ناس صغيرين
في ناس هناك مستقرين , بيشوفوا شغلهم و هما قاعدين
و ناس مع صحابهم يتقابلوا , و يقضّوا شوية وقت حلوين
الله اعلم بحالهم يمكن يكونوا مبسوطين
المهم انت بتعمل ايه؟ , و احد من دول و اللا من التانيين
خاللي لحياتك قيمة , و حدد لنفسك هدف
متروحش كدا و خلاص , اهو اي حاجة و خلاص
في حاجات كتير تتعمل , بس خللي عندك امل
قضّي وقتك ف حاجة, القهوة مش كل حاجة
No comments:
Post a Comment