تعرف صاحبك؟؟

صاحبك اللي يحس بيك, و يعرف طباعك و يرضيك, ميغبش يوم عنك و دايما يسأل عليك. و يا سلام و انت غضبان و هو بيهديك, و تشوفه و هو قلقان و خايف عليك, و لو حصل ايه عن نفسه يبقيك. الله علي صاحبك اللي كل همه يسعدك و لو علي اخر جنيه ميبخلوش عليك, و ان راح يضحي و يستلف و لا انه يشوف الحزن في عنيك. ميرضالكش ابدا تقع في ديقة, اصل هي دي الحقيقة, ازاي يبقي صاحبك و حد يفرح فيك. صاحبك اللي عارف قيمتك و مقدرك, ولو وزنك وزن دهب و لا عمره يبيعك و يخسرك.

Retrieved from: http://www.hayah.cc/forum/imgcache/33015.png

انا عارف ان ده كلام, بس بردو مش اي كلام. انا عندي كام واحد صاحبي فلذلك هحكي و هحكي. اصلها مبتحصلش كتير, دي فرصة في وقت مستحيل. صحابي مني قريبين, مليين عليا دنيتي و مكفيين. عارف قيمتهم و فضل كل واحد فيهم. مقدرش اتخيل دنيتي لو عشت يوم و انا مش بيهم. مقدرش انسب ليا تضحية, دنا كل اللي عملته لهم صفر في المية.

مش اي حد تقول عليه صاحب, دا الناس معادن و مش نفس القالب. الصاحب له صفات كتير مرضتش اكتبها بالتفصيل, سيبتلك جزء لوحدك تعرفه لو كنت انت بالصحبية جدير. احفظها ديه و سمعها كتير "القالب الرخيص صدقني مش نصح و توفير".

نشرت في مجلة مصري, نوفمبر 2012
http://www.myegyptmag.com/articles/4878/