صاحبتي حبيبتي الصغيرة 1

افتكرت يوم ماقبلت عنيها , لما وقعت عيني عليها

كانت قاعدة ساعتها ادامي , و حاسس انها شايفاني

سألت عليها واحد من صحابي , قاللي سيبها دي من اتباعي

كان يوم رمضان و الدنيا صيام, تعبت و روحت بدري انام

و عدّت الايام عادي , و ناسي الموضوع من دماغي

ولما اتقابلنا تاني , كانت خلاص مش فكراني

اتعودت اقعد بعيد عنهم , عشان اللمة مش عجباني

و ده كان كلامها هيّ , لما كلميتنى عن حالي

و علشان خاطر عيونها , خليت جنبها مكاني

ف الاول مردتش اكلمها , كان نفسي بس افهمها

عجبتني اوي ضحكتها , و فرح قلبي بهمستها

و بدأ الكلام  ما بيننا , و بقينا نعرف بعضنا

بدأت اتقرب منها , و بالشوق بستناها

و عرفت عنها كل حاجة , و بقينا عايشين ف حالة

 تكلمني اروحلها , أقضي معاها اليوم بطوله

فرحت اوي بيها , ونستني حب معرفتش اطوله

و بقيت تحكيلي اسرارها , و بقييت اعز اصحابها

دايما كانت جنبي , و الكل بيبص  علينا

كانوا متغاظين مني , و اقعدوا  يرخموا علينا

قولتلهم الذنب مش ذنبي , و كفايا ارّ علينا

اتعودت  اروّح علي ضحكتها , و اشوف الصبح فرحتها

حبيت حب الحياه فيها , ومن الدنيا انا غيرت عليها

صحبتي حبيبتي الصغيرة , محبش اشوفها متحيرة

صاحبتي حبيبتي الصغيرة 2

عرفت انها مش ليا ,  قلبها  مع حد تاني

فرحت و مزعلتش , و حبتها و مقولتش

و فرحي كان بيزيد لما , اعرف اني صاحبها الوحيد

قالتلي غيرك انت , مليش غير صاحبة تانية

و لما حد يتكلم عليا , بتقوله انت مالك بيا

دا صاحبي و بحبه , و مبسوطة بقربه ليا

معايا لما اكون زعلان , و معاها النسيان

و زعلت منها فترة , صادفت يوم ميلادها

و مجيبتش ليها هدية , اقدر بيها جمالها......

غلطتي و صلّحتها , في مرة بعدها

اول ماشافتني , جاتلي و كلمتني

نسيت اني زعلت , و سألتها عن اخبارها

بتحس بيا من غير كلام , ملاقتش في حنانها حد زيها

مجرد ما اجيلها واشكي , و ابص ف عنيها و احكي

  انسي كل همي , و اسألها عاملة ايه؟

الناس افتكرونا عاشقين , قولتلهم والله متصاحبين

قلبها مع واحد تاني , وانا صاحبها مسترياحالي

اصلها خفيفة و صغيرة , تشوفها لازم  تحيرك

تشد قلبك و تغيرك , لحب الناس و الحياة

عرفت معاها التفاؤل , و حبي و راحت بالي

وكنت ليها صاحب , من الناس بغير عليها

واقف جنبها و حاميها , و من الزعل بخاف عليها

صاحبتي حبيبتي الصغيرة 3

سبتت علاقتي بيها , و زادت معرفتي بيها

محستش بغيرة من حبيبها , عشان مبسوط اني صاحبها

مش عايز حاجة تاني , هي مكفيانى

و غابت عني مدة , و قلبي كان ف لهفة

ف يوم شفتها , و بشوق عاتبتها

قلتلها وحشاني , و غيابك شاغللي بالي

قالتلي انا وحشتك بس , و اللا انت عشقتني

قلتلها عشقي ليكي صُحبة و اهتمام

و بعدها قابلتها , و كانت ف عنية منورة

و شوفت جمال غريب , كان ليا حق اشتقلها

اصلها جميلة و صغيرة , زي الريشة ف الهوا

محدش فهمها خالص , الا انا عشان حبي خالص

بشوف ف عنيها كلامها , من غير ما تقول بفهمها

محدش بيحس بيها , قد اللي عايش بيها

صحبتي... حبيبتي.. الصغيرة , حياتي بيها منورة

من حبي فيها قالولي,, عاشق؟ , قلتلهم لأ مش أنا

صحبتى و انا حر فيها , بغازلها عشان ليا فيها

قالتلي براحتك قول , فرحانة بيك علي طول

ملناش دعوة بعزول , و كل اللي في نفسك قول

و ده كان اخر يوم , قبل مافوق م الحلم

و اكتشف وانا مهموم , ان الدنيا مش بتدوم

حتي ما بين الصحاب , مش بس مع الاحباب

صاحبتي حبيبتي الصغيرة 4

كنت حاسس بحاجة غريبة , من زيادة قربي ليها

و زعلت معاها شوية , غلطتها بس انا زودتها

و ايه يعني؟ صاحبتي ,  وبتدلع عليها, انا ليا مين زيها

طول عمري و انا زعلان , بلاقيها جنبي ف المكان

تحكي معايا و انسي همي ,  و دايما بكون فرحان

المرة دي سابت مكاني , و قعدت مع واحد تاني

بتغظني يعني بيه؟ , هو انا مستنيه؟

دي صاحبتي حبيبتي الصغيرة , و خلاص عدينا المرحلة

مرديتش تبص ف عنيا , ولا حتي تسلم عليا

فكرت! بتدلع عليا , ما هو ده حقها عليا

قعدت  وقت كتير , و انا هنفجر م التفكير

و حتي بليل بعدين , مجتش تسألني انت فين

زي عادتها كل مرة ,  بتنسيني ان انا زعلان

بارادتي و مزاجي , عشان قلبي عليها راضي

مفيش غير حاجة واحدة , يارب متكونش هيا

قاللها تبعد عني؟؟ , وراحت مني و مرجعتش

من غير ماتقوللي متزعلش

كانت نهايتها معايا , زي ما كنا م البداية

صاحبتي حبيبتي الصغيرة 5

بقي كدا اخرتها فراق

و نشمت فينا الاعداء؟

مش عارفة اد ايه مستنيين؟

انتي اللي بعتي مش انا

متجيش تلوميني بعدين

انا مش مستغرب منك

دا انتي صاحبتي و عارفك

بس الغدر بيا انا؟

بعد ما كنتي بتشكيلي انا؟

دلوقتي هتروحي لمين؟

خلاص كلهم عارفين

انا كنت بحكيلك عليهم

دلوقتي بقي زيك زيهم

هسأل عليكي من بعيد

منا مش هنساكي اكيد

و هتبقي ساعات واحشاني

مش هنسي اجمل ايامي

يا حبيبة قلبي يا محيرة

يا اجمل بسكوتة صغيرة

بتمنالك تكوني مبسوطة

و ماشوفش ف عنيكي دموع

مش هقدر اشوف دمعتك

عشان عايش بفرحتك

ودا مش وداعي ليكي

انا لسة ماشوفتش عينيكي

كفاية كدا كلام

عشان كدا كتير عليكي 

حبيب عمري

تراودني ظنوني ان كنت حقا احبه

لماذا اظن, و انا لم احب غيره

حياتي قبله ليلا, لم يزل الا بوجوده

وغاب عني البدر, و لم ينطفيء نوره

لا افكر في سواه, فليس لي غيره

عايش علي ذكراه, محتفظا بصوره

احلم بيوم لقاه, حتي اسمع صوته

و سأعود اليه يوما, اشاركه افراحه

فليس لقلبه احزان, مع حبيب عمره

فكيف لمن اتنفس به, ان احب يوما غيره

شوفتهم

شوفتهم مع بعض مرة و انا ماشى ومش ف بالى

لفيت بعينى بسرعة و كلمت حد تانى

انا عارف انه ولا حاجة و حبهم دا استحاله

بس كانت ماشية معاه و بتضحك وياه

عرف يكلمهما و يتعرف عليها

و دلوقتى بقى صاحبها و اكيد بيسأل عليها

مكانش هيعرفها غير لما انا قولتله عليها

قولتله كل حاجة ممكن تتحب فيها

ازاى تبصيلها و تفهم عنيها

اصل كنت بحبها اوى وبموت ف نظرة عنيها

فكنت بحكيله عنها و عن احساسى بيها

صاحبى اللى كنت فاكره واقف جنبى بيداوينى

طلع بيعرف اخبارها و بيفكر كمان هو فيها

مزعلتش منه خالص و مفكرتش لحظة فيه

اصله يا عينى مش ذنبه مش لاقى حد يحس بيه

ملقاش غير واحدة جاهزة واحد صاحبه حبها

فقال ابيعه احسن واحاول اوصلها

بس انا خلاص سبتها

هسيبه يعيش قصتها , هيفضل يحب فيها و مش هترضي هيا بيه 

دا احسن عقاب ليه , انا كمان مش باقى عليه...

قابلت بنت

قابلت بنت في السبع عمارات , بنت جميلة غير كل البنات

بنت لذيذة و دمها خفيف , مش اي واحدة واقفة عالرصيف

اتعرفت عليها و اتكلمنا كتير , وخدنا الوقت في الحكايات

جالها صحابها فجأة و ادولها رنّات , قالتلي لازم امشي و خدنا التليفونات

قضيت اليوم مع صحابي , و كان اجمل يوم تلات

فكرت فيها كتير و قمت كلمتها , و ف يوم الخميس روحت قابلتها

وجاتلي ف مكان ساعتها , و هناك فسحتها

و مشينا كتير و كتير , من هناك للتحرير

القاعدة معاها جميلة مبشبعش منها , كل يوم معايا و خلاص صاحبتها

فجأة غابت عني معرفتش اوصلها , بعدين كلمتني و دموعها ف خدها

"ماما جابتلي عريس , و مسافرة بعدها"

حبيبي

حبيبي اللي انا حبيته , و من جوة قلبي انا هويته

فرحة عنيا بيه , كل يوم لما تلاقيه

احكيلكم ايه عنه , مش عارف ابدأ منين؟

من لونه الاسمراني , ولا عيونه اللي شغلاني

ايامي معاه متتحسبش , عدّت عليا و انا محستش

رزانته و جماله ف قعدته , ولا الغزال ف مشيته

دايب ف حركاته و ضحكته , و بصته ليا لما اروحه

شفايفه و صوته و كلامه , كفاية عليا اني اسمعه

اغنّي بيه و الحنّه , و اعيش علي نفسه اللي يتنفسه

جوة قلبي انا شايله , ومنين ماروح انا شايفه

عايش بحبه ليا , و كفاية عليا حنانه

هلاقي زيه فين , مش لاقي حد تاني

لما كلمتها

ف يوم و انا قاعد مستني , جاتلي حبيبتي تسألني

"عرفت عنك حاجات كتير , و عايزة اعرفلها تفسير"

قولتلها حاجات عني انا ؟ , دا اللي ف قلبي اكتر من سنة

عايزة تعرفي ايه ؟ , مين اللي قالك عليه ؟

هقولك عاللي نفسك فيه , بس اللي هقوله متلومينيش عليه

الاول بس احكيلي , اتقالك عني ايه؟

و هي قاعدة تحكيلي , مش باصص غير ف عنيها

سرحان اوي ف كلامها , و كان نفسي امسك ايديها

بصيت ف عنيا و فِهمتها , قرأت اللي فيها و صدقِتها

قعدنا مع بعض وقت طويل , و اتكلمنا ف حاجات تانية كتير

كان احلي يوم ف حياتي , كنت فرحان بيها و هطير

ف اخر كلامنا , قمنا من مكاننا و اتفقنا

اديتني نمرتها لما طلبتها , و وعدتني بخروجة لوحدها

و قالتلي هيا عنوانها , و رحت معاها وصلتها

مجتش تاني و كلمتني , و حتي لما شافتني مسلمتشي

خايف اسألها وأقّولها , تقولي لأ دا مكانش انا

اد كدا انا بحلم بيها؟ , اد كدا مشتاق ليها؟ل

و كنا حقيقي اتقابلنا , و جاتلي جنبي و اتكلمنا

كنت ساعتها هعمل ايه؟ , و انا اصلا بحلم بيها..

نفسي تكون معايا حقيقة , قلت احلم بيها دقيقة

مش لاقي نمرتها اللي اديتهاني , ولا فاكر عنوانها لما وصلتها

بس فاكر كل كلمة انا قولتها .... يا تري لو لقيتها ارنيلّلها؟؟؟

خايف ترد عليا , ساعتها مش همسك ايديا

هجري عليها و اروحلها , و عند بيتها هباتلها

و الله العظيم هعملها , هو في أدّي بيحبها؟

انا اولا بيها محتاجلها , و روحي فيها هقّولّها!!!

حب مصر

الله عليكي يا مصر

حب و عطاء في كل عصر

يا ارض المحبة, يا ارض الكرامة
يا ارض الحضارة, يا ارض الاصالة
ولادك سلاحك حياتهم فدائك
شهداء ف سبيل دفاعك يا مصر

حبك ف الدم جاري
عشقك ف الروح ساري
راسنا مرفوعة بيكي
نصد عنك كل غازي

عيوننا ليكي سهرانه تحميكي
منقبلش الاهانه ليكي يا مصر

يا ارض المحبة, يا ارض السلام
يا ارض الحضارة, يا ارض الطهارة

ذكرك ربنا في القرأن
ودعالك محمد النبي الانسان

وباركك عيسي و العزراء في الرحلة المقدسة زمان

و موسي لما كلم ربه في الطور من سنين

و قال عليكي تعالي "ادخلوها بسلام امنين"

معاكي

يا حلاوة الدنيا وانا شايفك , الله علي جمالك و حلاوتك

ايامي معاكي وانا عايشها , ف دنيا تانية انا حاسسها

بحب اوي كسوفك , و ضحكت عنيكي لما بشوفك

مش عارف اكلم غير عنيكي , مش عارف اوصف حبي ليكي

احساسي بصوتك وانا بسمعك , وجمال الخطوة ف مشيتك

معاكي بكون واحد تاني , غير اللي كل الناس تعرفه

معاكي بنسي زماني , و كل اللي ف قلبي جرّحه

مش عايز غيرك حد تاني , و اللي باقي من عمري يكون وياكي

مش عايز غيرك حد اسمعه , و كلامك كله لقلبي يطمنه

كنت زمان لوحدي حزين , و معاكي مش هسأل رايح فين..

الدنيا معايا و انتِ جنبي , و بنسي معاكي كل همي

يا حلاوة الدنيا وانا ف قربك , و لو بعيدة بردو شايفك

ومن ربنا انا بتمني , مشفش ف يوم بعدك عني

ولا حتي نظرة عتاب , انا قلبى م البُعد تاب

ربنا يباركلي فيكي , و اقدر اسعدك و احميكي..

هما يومين

ليه بتكلموني عليه

هو انا كان يعني مالي بيه

دا اللي بيننا كانوا هما يومين

مش هفضل زعلانه سنتين

محدش يجيبلي سيرته

انا لما صدقت نسيتها

بلاش تسألوني عنه

سيبوه في حياته براحته

علي بالي

ولا كان علي بالي اني احبها , كل اللي حصللي اني شوفتها

و من ساعتها عشقتها , معرفش دا حظي والا حظها

معرفتش لما اشوفها اقوللها , غير بس اسألها ازيها

ترد بضحكة و تمشي , و غير كدا انا مبسألشي

احترت خلاص معاها , و انا بالي مشغول بهواها

حبيتها بجد اوي, بستني اشوف ضحكتها 

ابدأ بيها يومي , عشان انسي كل همومي

واقعدت فترة كدا , و الموضوع ماشي علي كدا

تعبت اوي بعدين , و كان لازم حل من الاتنين

و طبعا كان التاني , عشان ظروفي مش بمزاجي

مكنتش لسة راسي , و كان اول حب ف حياتي

ام الدنيا

ام الدنيا دا اسمها , في التاريخ عشان مجدها

هي مصر حبيبتي و امي , العظيمة بشعبها

كل البلاد من حواليها , نفسهم يروحوا فيها

كل مايجي واحد منهم , يتمني هو يبقي ابن مصر

جات عليها حروب كتير , وعمرها ما كانت بتضيع

اصل ولادها بيغيروا عليها , و هي بردو مش للبيع

ساعات الظروف بتقسي علينا , نسيبها و نشوف اللي علينا 

بس بنرجع تاني بعدين , ندور فيها عالحنين

هلاقي فين جوها , هلاقي فين شعبها

ولا برة نيل زيها , هي حبيبتي العظيمة بحبها

retrieved from: http://metro.co.uk/2013/07/04/

اخاف عليه

احبُه! نعم احبُه كما لم احب قبله

احب كلامه و ضحكاته و احب كل شكل من اشكاله

احب حزنه و غضبه و لمعان الضوء في عينه

احب خوفه و تساؤله ووحشته وحبه لي

اخاف منه و اخاف عليه

اخاف منه لأن قلبي في يده

و اخاف عليه لأن روحي فيه

شروق

اشرقت شمس وجهك و النور يسطع من عينيك

يزداد قوة  و لمعانا من اللألئ بين شفتيك

و صوت الفرحة في ضحكتك كالزهر يرقص بعد المطر

وحسن قولِك شفاءاً للسمع و الصدر

و عذوبه صوتك في الكلام ك هدير الماء المنحدر

قد ابدع الله في خَلقِك و احسن في خُلُقِك

سبحانه المبدع المصور

فهل انتي حقا بشر؟؟

مش متفقين

retrieved from: http://joanswan.blogspot.com/2010/10/tweaking-what-if-of-brainstorming.html

انا و نفسي مش متفقين

بكدب عليها كتير و انا و هي مش مصدقين

بكلمها ف دنيا و انا عايش ف دنيا تانية

و احكيلها عن حاجات مش هي الحقيقية

و اقول اقتنعِت و نسّيتها همّها

الاقيها فاكرة و تفكرني بعدها

عرفت اضحك عالناس و اقولهم اي كلام

مش عارف اضحك علي نفسي بشوية اوهام

بس هي اقوي مني مبتسبنيش

و اللي فيها كتير ميكفيش

بطّلت اتكلم معاها عشان بخسر في مواجهتها

و اخيرا بهرب منها عشان اعرف ازاي اعيش

شايف النور

شايف النور أدامي , شايف احلام اجدادي 

شايف مستقبل اولادي , شايف عظمة بلادي 

شايف تاريخنا قصاد عيني , علي ايدي و علي ايد جيلي 

بنكتب بداية جديدة , لعيشة حره سعيده 

هنقدر نحمي بلادنا , و حياتنا حرة نزيهة 

الشعب لا يريد شخص بعينه , الشعب يريد امنه ف عيشه 

الشعب يريد حقه ف بلده , الشعب يريد هيبته و مجده 

بأيدينا هنبني بلادنا , ونشوف اول انتاجنا 

و هننسي كل تعبنا , و نواصل سكة نجاحتنا 

دا تاريخنا تاريخ عظيم , و لكل جواد كبوته 

و محدش شاف المصري , ف قومته و صحوته

Retrieved from: http://www.google.com.eg/imgres?hl=ar&sa=X&tbo=d&biw=1024&bih=610&tbm=isch&tbnid=uEvDhzl5h1jE7M:&imgrefurl=http://linkusblesstheweather.blogspot.com/2012/07/ra-leo-go-with-sun.html&docid=WPi7a8zEbhJARM&imgurl=https://blogger.googleusercontent.com/img/b/R29vZ2xl/AVvXsEipI4NdVDg14R96C-xnaX3LCHCLEDSsFtt9d250iM2U5OYw6_AL_GhS3D81jEtK84oRrOgTSvM5JnFvxFbnCuTEFXLJBu04L_DhSgIf1BT32vDX4q-WqsxtidAtJgB3ybLy6W1gdzWps0Pz/s1600/Landscapes-Road-to-the-Sun.jpg&w=1600&h=1200&ei=TurEUJjlLuSc0QWnmoGACA&zoom=1

ذكريات ثورة

يوم التنحي 2011 كان كل الناس فرحانة بس انا كنت خايف و قلقان مش عارف افرح عالاخر, ناس كتير كانت مستغربة موقفي (انا نفسي كنت مستغرب من احساسي ده, دي ثورة و حدث تاريخي و جيلنا جيل الثورة و الارادة و التحدي و الدنيا هتتغير و هتبقي احلي و هنقدر ننتج و نشوف النور اللي كنا فقدنا الامل فيه) .. خايف من ايه بقي؟؟

كنت خايف الثورة تتركب و تيجي علينا ايام نسلب فيها حريتنا و منشوفش المستقبل,.. انا كنت صح و الايام اثبتت كدا في معظم المواقف و خاصة في مواقف الهجوم و الغدر علي الثوار السلميين العزل و المعتصمين من قبل جماعات و عشائر المستفيدين ..

 انا دلوقتي بقي اكتر واحد متفائل و مبسوط و شايف النور من تاني عشان مصر كلها بقيت بجد ايد واحدة و قلب واحد و روح واحدة و مفيش اي تفرقة و لا مسميات قبلية ولا دينية و لا سياسية و الكل همه يشيل الهم و ياخد حقه عشان نأمن مستقبلنا و نرجع مجدنا اللي اتدفن من سنيين كتيير. الحمد لله و تحيا مصر و الله اكبر..

Retrieved from: http://elbadil.com/sites/default/files/styles/428x254_mainstory_bigimage/public/12/11/48/5456533131_a27c9ccd48_b.jpg